Nålefilt arbeid

torsdag 16. april 2015

Sweet Tomato Heel - eller Kalesjehæl

Hei, her er vi igjen. Som dei aller fleste anstendige kvinner i Noreg, strikkar eg også lestar eller sokker. Eg strikker etter mønster som andre har komponert, eller eg lager mine eigne. Oftast strikker eg etter innfallsmetoden. Som "sokken blir til mens vi går " type.
Eg foretrekker å bruke rundpinne i staden for strømpepinner. Magic Loop, dvs strikke med ein rundpinne (60-80cm) Av og til starter eg nede ved tåa, andre ganger oppe ved bråtet. Men før eller seinare kjem eg til den plassen hælen skal vere.

Kva for type hæl skal eg strikke? Foten min trivest i alle slags hælar (ikkje i høghæla sko) Men strikkar eg til andre, må eg finn ein som passer betre enn andre. Det finnest så mange forskjellige hælar, nokre skal du strikke når du starter oppe på sokken, andre kan du snu som du vil.

Men den hælen eg aller mest likar når eg strikker uten oppskrift og som passer enten du starter her eller der på sokken, er Sweet Tomato Heel eller Kalesjehæl, som eg kallar den. Liker du å strikke Short Row- eller Korte rader, er dette tingen !


Du finn ein heilt ok video som viser korleis du gjer det her

Men om du vil, kan du få ein kortversjon av meg på norsk her:

Kalesjehæl:

For å gjere det enkelt har eg her lagt opp og strikka eit lite bråt, og fordelt 42m på to pinner. (ein stor rundpinne)


Fordel så maskane slik at du har 1/3 (14) på eine pinnen og 2/3 (28) på den andre. Dei 28 m er hælmasker (under foten) og dei 14 er oppå foten.

Start med dei 28m og strikk dei rett til du har igjen 2 m som du lar stå igjen, ustrikka. Snu arbeidet og strikk vrangt til du har igjen 2 m. Snu, la vere å strikke den 1. m etter snu, den tek du berre enten rett av eller vrangt av. Strikk slik fram og tilbake til du har 5 "sett" med 2 m (vi kaller det 2mpar heretter). Altså 5 2mpar på kvar side, med 8 m i midten. 
No skal du strikke over alle maskane, men gjer du det, får du små hol. Desse hola kan du unngå ved å gjere slik: 

Du skal no strikke rett 9 m (8m + 1 til). 
Ta høgre pinne og stikk pinnen inn i gamlemaska på venstre pinne , den frå forrige omg.
Sett den sammen med masken som står der.
Strikk dei rett sammen.
Strikk 1m rett. Løft og strikk sammen neste. Slik gjer du ut pinnen. No strikker du rett over dei 14 m på neste pinne.
Etter det er du klar for å strikke over dei neste 5 2mpara på høgre sida av hælmaskane.
Det gjer du slik:

Strikk dei 2 første rett. Ta masken på venstre pinne over på høgrepinne. Løft så opp Gamlemaska på venstre pinne over til høgrepinne. Strikk desse vridd rett sammen. Strikk 1 m rett, Dette gjer du til du har strikka over alle 2mpara. No har du laga ein trekant eller ein fold som eg vil kalle det. Strikk ei eller to runder rett rundt. Strikk så to slike foldar til.

Når du har laga så mange folder du treng til hælen, retter du opp slik at du har 21 m oppå foten og 21 under foten. 

Du kan velge om du vil ha 2 folder med fleire omg rett i mellom dei som eit band, eller 3 folder med lite band. Dette finn du ut sjølv.
Slik blei denne.
 Og lurer du fortsatt på kvifor eg kallar det kalesjehæl, kan du berre lure.


Lurer på kor mange forskjellige hælar som virkelig finst, er ikkje så godt å vite. Her er eit foto som eg har "lånt" frå Pinerest. Prøvde å finne ut kven som hadde opphavsretten til dette bilde, men det lukkast eg ikkje med. (mest med tanke på oppskriftene på dei enkelte hæltypane)


Det hadde vore kjekt å finne og samle mange hæltypar og korleis ein strikkar dei, men no har eg Kalesjehælen min så det får vere til ein annan gong. 

Og medan eg skriv dette innlegget, ringer Postdama på døra. Eg går og let opp døra og Postdama  gir meg ein pakke. 

Og i denne pakken ligge det ei bok, ikkje krimbok denne gangen, men Bitta Mikkelborgs:          

SOKKER !!!!


HÆLdige meg !

Ha ein fortsatt fin dag. Det er snart HÆLg !

tirsdag 7. april 2015

Brodering og påskebilder

No er kvardagen her igjen, og eg har leita fram hobbyane og tidsfordrivet mitt igjen. For tida er det brodering av vesker, posar og små pungar eg koser meg med. Utfordinga er ikkje å lage eit handbrodert motiv på veska, men å sy, klippe til, lage mønster og sy fòret i veska Eg og symaskina har hatt eit veldig dårlig forhold i alle år. No har eg funne ut at ho er fryktelig lat, og at det er eg som må gjere det meste. Altfor ofte må eg drive å tre sytråden gjennom nåla, gong på gong. Kan ikkje forstå kva glede ho har av å dra ut tråden heile tida. Men med litt ekstra tålmod blir det no eit slags resultat. Eg storkoser meg med broderinga og å lage mønster. Og det ferdige resultatet er nå slett ikkje verst, for å skryte litt sjølv.


 Her er hanefar brodert på eit deilig ullstoff, 
Veska er grå på den eine sida og svart på den andre.
 Her har eg drista meg til litt blonde også. Å sy fast lommelåset er litt tungt og det blir ikkje alltid så fine sting. Då er det greit å skjule stinga med litt blonde.


 Eg har hatt liggande nokre gamle gardiner og dukar. Nokre av dei er heilt grei å bruke til dette.
 Det samme er med brodergarn. Halvferdige broderier har blitt kasta med hard hand, men garnet  vart spart. Det er eg glad for no. I tillegg har eg noke perlegarn som eg kom over på ein marknad for mange år sidan.
 Dei fine veskelåsa har eg kjøpt på Etsy.

 Litt fantasi og nokre brodersting, og vips så har eg eit lite motiv til ei veske eller ein pung.


 Her har eg bytta ut veskelåset med ein glidelås. 
 Har til og med klart å lage noke fiksfaks i endane på glidelåset.
 Dette motivet har eg ikkje dikta opp. Det er skissa etter eit foto av Håkon og brodert på.
Eg treng vel ikkje å seie kven som har fått denne.

  
 Her har vi ein ny hanefar. Her har eg miksa brodergarn og litt nålefilta ull.

 Her ein liten detalj på ei veske som skal verte bursdagsgave. I fare for å avsløre overraskelsen,vil eg ikkje vise heile pungen.

 
 Pung med puddel,  favorittmotivet !

 Mathilde har fått denne til å ha hårklemmene sine i.


 "Paddington"
 Laga av ein gamal Burberry Trench Coat.
 Britisk ? Då skal vel Paddington-bamsen kunne passe.
 Her ein liten Puddelgutt igjen. Brun denne gang.
 Denne bruker eg til å oppbevare nokre av brodernålene mine
 og ei lita brodersaks.
Og til slutt  sminkepungen min. Stor og tung.


Ellers går det i sokkestrikk. Men det tek eg ikke med i dette blogginnlegget.

Til slutt vil eg legge ut nokre kosebilder frå Fiksdal i Påska. Vi hadde besøk av Håkon og Mathilde, mamman og pappan og tante. Trur ikkje bilda treng noko tekst, dei taler for seg.











No håper eg at det ikkje skal bli så lenge til neste blogginnlegg sjølv om det kanskje berre skal handle om sokkar og slikt. 

Ønsker alle ei fin tid framover :)


Related Posts Plugin for WordPress, Blogger...